في كل الحالات دي وغيرها حتحاول تفهم نوع المرض ايه؟ التشخيص ايه بالضبط؟ الأعراض ممكن تبقي ايه وحتتطور لايه؟ أنواع العلاجات المتاحه ايه؟ هل في خطوره في اي علاج منهم؟ ولو في، ايه الخطر؟ هل في مضاعفات للعلاج؟ لازم استمر عليه قد ايه؟ يحصل ايه لو وقفته فجأه ولوحدي؟ هل بعد العلاج في امل بالشفاء؟
طيب، ليه لما نفسيتك توجعك وتروح لدكتور متخصص ويقولك: “عندك اضطرابات نفسيه” بتكتفي؟؟؟
في مئات التشخيصات لاضطرابات نفسيّه…يا ريت تسألوا التشخيص ايه واعراضه ايه وحدّتها ايه وطرق العلاج ايه والاعراض الجانبيه ايه والادويه ضروره ولّا جلسات للاستشاره النفسيه كفايه ولو الدكتور اصرّ علي الدوا اسألوه الدوا ده ايه؟ بيعمل ايه؟ ليه كام جرعه ؟ وانا حبتدي بأي جرعه وليه؟ ولازم اخده قد ايه وقت وهل ينفع ابطله ولو ينفع، ابطله ازاي؟ وهل الاضطراب ده في منه شفا والاحصائيات بتقول ايه؟
أرجوكم اسألوا الدكتور النفساني…سؤالك ممكن ينقذ حياتك!!
