شهدت الحلقة الخامسة من مسلسل ميد تيرم لحظة صادمة لتيا – ياسمينا العبد، بعدما اكتشفت أن صديقتها نعومى – جلا هشام، تخدعها، وذلك بعد سماعها تسجيلًا صوتيًا تتحدث فيه عنها بأسلوب سيئ.
وبعد هذا الموقف، يتساءل كثيرون عن العلامات التى تكشف الصديقة السامة أو الـ Toxic Friend، وهى سلوكيات يمكن ملاحظتها بسهولة.
علامات الصديقة التوكسيك:
1- مش بتحب تقعد معاكى
لو بتحسى إنها متضايقة، سرحانة، أو مستعجلة تمشى طول الوقت اللى معاكى فيه.. ده معناه إنها مش مرتاحة معاكِ.
2- بتتكلم عنكِ وحش
الصديقة السامة تستغل غيابك وتتكلم عليكِ بطريقة سيئة، وتنتقدك قدام الناس، لأنها مش حريصة تحافظ على صورتك.
3- بتظهر بس وقت المصلحة
تكلمك بس لما تحتاج حاجة، ولما إنتِ اللى تحتاجيها تختفى.. ده مؤشر واضح إنها علاقة من طرف واحد.
4- بتزعل لما تنجحى
الصديقة الحقيقية تفرحلك.. لكن لو بتقلل من نجاحاتك أو بتلمّح إنك “أحسن منها”، فهى غالبًا غيرانة ومش قادرة تشوفك بتكبَرى.
5- مش بتفتكرك فى خروجاتها
لو بتنزل مع ناس تانية وعمرك ما بتكونى ضمن خططها، وتعرفى بالصدفة بعد ما الخروجة تخلص.. فهى بتتعمد تبعدك.
مشهد تيا ونعومى فى ميد تيرم بيقدم نموذج واضح للصديقة التوكسيك اللى بتظهر أقرب الناس لكن بتبقى أكتر واحدة مؤذية من وراك.
