كتبت الاثريه / اسراء السيد 
اهلا بيك على مسافة اتنين ونص كيلو متر من شط ابو قير بالاسكندريه وعلى عمق ١٠ متر تحت المايه
عشان تشوف الجمال كله متمثل في مدينتين غرقو من الاف السنين تحت بحر اسكندريه
مدينة هرقليون ومدينة كانوبيس
ايه حكاية المدينتين دول
مدينة كانوبيس كانت مدينة دينيه من الطراز الاول فكانت مليانه بدور العباده وده بسبب تقديسها في عقيدة المصري القديم
اما بالنسبه لمدينة هرقليون فكانت مدينة تجاريه ودينيه في نفس الوقت وكانت تعتبر ميناء لمصر للسفن التجاريه في القرن السادس قبل الميلاد
واتسمت بالاسم اليوناني هرقليون نسبة للاله هرقل اما بالمصري القديم فكان اسمها ثونيس او تاهوني
علماء الاثار لما اكتشفو بقايا المدينتين لقو تماثيل ضخمه للالهه والملوك المصريه القديمه وملوك البطالمه وزوجاتهم وتحف وجواهر وعملات معدنيه وسفن وصل عددها ٧٥ سفينه
طيب ازاي التماثيل فضلت كل السنين دي محافظه على شكلها في المايه الملحه في بحر اسكندريه
الفكره ان الاحجار اللي مصنوعها منها التماثيل دي من الجرانيت والبازلت والكوارتز ودي احجار صلبه مش بتتأثر بالمايه المالحه
جزء من الاثار دي طلعناه وموجود في متحف الاسكندريه والباقي لسه تحت وكانو بيفكرو يعملو متحف تحت المايه بس طبعا الفكره مكلفه جدا وفي مراكز للغوص تقدر تزور بيها المنطقه وبص عل باقي الصور في الكومنتات
هل يوجد احد يمتلك هذه الآثار داخل المياه وخارجها
تحيا مصر
تحياتي الاثريه إسراء السيد
