ظل راجل
كتير بنسمع المثل دى وفى الحقيقة الواحد مش بيبقى فاهم انى ست اللى ممكن ترضى.
بظل راجل بس الظل؟
يعنى الست دى ايه مواصفاتها ؟
طيب ايه ظروفها ؟
يعنى مثلا بتبقى ست لا تملك المال الكافى لسداد احتياجاتها اليوميه؟
وليه ست ليس لديها الأهل والسند ؟
وليه ست لا تملك البيت المناسب للعيش فى ب امان؟
وليه ست لا تملك الوظيفه أو الشهادة المناسبه كى تواجهه بها صعوبات و مشاكل الحياه؟
وليه ست هدفها من الجواز الانجاب ويبقى ليها اولاد؟
وليه ست فاتها قطار الزواج زى ما ناس كتير بتقول؟
وليه ست خايفه من الوحده أو كلام الناس؟
وليه ست وليه ست وليه ست….
هتلقى اجابات وتجارب مختلفه كل واحده على حسب ظروفها و طبيعه شخصيتها!!
بس انى راجل اللى ممكن يقبل يبقى ظل؟
بس مجرد ظل ؟
اقصد يعنى ايه هى طبيعية أو مواصفات الرجل دى؟
الزواج مش ظل وبس وعمره ما كان دى الهدف منه .
الزواج موده ورحمه و الموده والرحمه أشمل و أعم من الحب .
يعنى ممكن يكون فى حب ومفيش موده ورحمه وارد جدا وفى حالات كتير من الزواج كده!
لكن صعب يكون فى موده ورحمه وميبقاش فى حب!
علشان كده الله عز وجل قال فى كتابه الكريم
“هن لباس لكم وانتم لباس لهن”
يعنى ستر وغطاء مش بس ستر وغطاء لا !
يكون كمان الباس دى مناسب ليك وسترك!
#هبه جمال
