![](https://1010eg.com/wp-content/uploads/2023/03/IMG_٢٠٢٣٠٣٢٥_١٢٠٤٥٨.jpg)
![الزئبق الاحمر](https://1010eg.com/wp-content/uploads/2023/03/IMG_%D9%A2%D9%A0%D9%A2%D9%A3%D9%A0%D9%A3%D9%A1%D9%A9_%D9%A2%D9%A0%D9%A5%D9%A5%D9%A2%D9%A4-150x150.jpg)
الموضوع مكنش معروف غير لما ابتدت روسيا تكلم عنه ايوه روسيا زى ما بقولك كده.
طيب نبتدى من الأول من ٢٥٠٠ سنه تقريبا من مقبره
“امون تف عنخ” كانت مقبره كامله محدش لمسها قبل اكتشافها.
المقبره دى كانت موجوده في سقاره وبعد لما الأثريين دخلوا المقبره وفتحوا التابوت الخاص ب
![البلحه الفرعونيه](https://1010eg.com/wp-content/uploads/2023/03/IMG_%D9%A2%D9%A0%D9%A2%D9%A3%D9%A0%D9%A3%D9%A2%D9%A5_%D9%A1%D9%A1%D9%A5%D9%A5%D9%A5%D9%A9-150x150.jpg)
“امون تف عنخ”
وجدوا سائل لزج يميل إلى اللون الأحمر خدوا السائل دى وتم حفظه فى انبوبه وتم إيداعها فى.
“متحف التحنيط فى الأقصر “
والموضوع خلص على كده.
بس جات .
روسيا وقالت إن فى ماده عند القدماء المصريين الماده دى ممكن من خلالها يتم تصنيع قنبله نوويه متطوره لأنها اكثر كثافه من اليورانيوم و الماده دى لزجه ولونها يميل إلى اللون الأحمر.
![البلحه الفرعونيه](https://1010eg.com/wp-content/uploads/2023/03/IMG_%D9%A2%D9%A0%D9%A2%D9%A3%D9%A0%D9%A3%D9%A1%D9%A9_%D9%A2%D9%A2%D9%A4%D9%A8%D9%A1%D9%A6-150x150.jpg)
الكلام دى كان فى عهد الرئيس جمال عبد الناصر فقال طيب نحلل الماده دى ونشوف .
فتم أخذ الماده من متحف التحنيط فى الأقصر وتم عمل العديد من التجارب عليها لتحليل عناصرها ومعرفه مما تتكون وبعد التجربه اتضح أن أكثر من ٨٦٪ من السائل دى.
دم المتوفى وشويه ماء مع شويه من ملح النطرون وشويه دهون عطريه……ولايوجد اي ماده خاصه ب الزئبق الاحمر اللى بيتكلموا عليه دى.
وتم إغلاق الملف الخاص ب تلك الماده بأمر من رئيس الجمهورية وتم إرجاعها الى “متحف التحنيط” فى الأقصر.
طبعا فى قصص نصب كتير جدا حصلت بسبب الزئبق الاحمر دى ولحد دلوقتي بتحصل بس مش هنتكلم عنها.
طيب ليه الناس مهوسه بالزئبق الاحمر دى؟
هى فى الاول بتبقى زى صفقه بين الانس و الجن
فمثلا.
يتم إعطاء الجن بعض من الجرامات من الزئبق الاحمر يقوم الجن مقدم خدمات كتير اوي ل الأنس زى مثلا
* التفاوض مع جن الرصد حارس المقابر علشان يسمح بفتح المقبره.
* اكتشاف الكنوز وتحديد أماكنها.
* جلب الدولارات من خلال السحر والشعوذه.
انا نسيت اقولكم أن الزئبق الاحمر دى مهم جدا ل الجن أصله يعتبر الغذاء الأساسي للجن مش بس كده دى كمان بيمنحه الشباب والقوى والقدرات الخارقه.
بس الزئبق الاحمر دى مالوش علاقه خالص ب
“البلحه الفرعونيه ” اللى من الجرانيت اللى موجوده فى حناجر مومياوات الوزراء.
ودى بيتم وضعها فى حنجره المتوفى علشان تقتل البكتيريا اللى مسئوله عن التعفن وتحلل الجسم لأن الحنجره هى مصدر التعفن و التحلل.
وعلى فكره .
“البلحه الفرعونيه ” دى غاليه جدا تصل إلى ١٠٠ مليون دولار ودى بقا موجود منها كتير وتتكون من اليورانيوم.
الناس تسكت لا.
بعد كده طلعت اخبار أن الزئبق الاحمر دى ممكن يتم استحضار من مصادر كتير غير المومياوات اللى اصلا مش موجود فيها.
زى مثلا
* موجود فى ماكينه الخياطه تحديدا في ابره ماكينه الخياطه بس خد بالك لازم تكون ماركه Singer وتكون انتاج سنه ١٨٧٩:١٩٠٠
* وكمان موجوده فى كهوف الخفافيش بس مش اي خفافيش لازم يكون فصيله مصاص الدماء.
* وكمان موجوده في و بوار الجاز .
طبعا كل دى اشاعات كان الهدف منها النصب على الطماعين اللى نفسهم يوصلوا ل الزئبق الاحمر .
#هبه جمال