الوسم: المصريين

جن الرصد

مقابر القدماء المصريين وعلاقتها ب جن الرصد/ جن حارس الكنوز والمقابر/ الجن المانع / الجن حارس المال .

كلنا طبعا بنسمع عن الجن ماهو مذكور في القرآن .

لكن.

 النهارده انا هتكلم عن الجن حارس المال،اقصد الجن المانع،لا اقصد الجن حارس الكنوز، باختصار كده هتكلم عن جن الرصد.

ايه هى حكايه جن الرصد دى؟

بشويش كده و واحده واحده علشان الموضوع طويل.

جن الرصد دى مش نوع واحد لا دول نوعين اتنين ايوه والله زى ما بقولك كده يعنى انا هكدب عليك.

اول نوع : الجن المكلف هو جن بيتم تكلفته من اصحاب الكنوز ل حراسه شويه كنوز وذهب و الماظ وياقوت .

ودى بردو كان بيحصل ايام المصريين القدماء علشان يحموا مقابرهم اللى مليانه كنوز من السرقه والنهب.

فى من خلال تعاويذ و طلاسم معينه وشويه بخور اصل الجن بيعشق البخور .

يتم تسخير الجن ل حراسه الكنوز دى فى ميقدرش يقرب منها أنسان اي كان .

طيب نفترض واحد كده قل عقله وقرب من الكنز دى ايه اللى هيحصل ليه؟

 هيفضل الجن دى يضايق في يضايق فى يضايق فى لحد ما يزهق و يمشي من المكان.

تانى نوع: الجن الغير مكلف دى بقى بيبقى جن ماشي كده فى حاله قوم ايه؟ لقى شويه كنوز وشم ريحه العتيق .

يقول! 

بس المكان دى بتاعى والكنز دى كنزى ومش هتعتع من هنا .

طبعا ساعتها مش هتقدر تخد منه اي حاجه.

طيب نكلم بقا فى المفيد !

اي هى انواع جن الرصد دى؟  

فى الحقيقة هما أنواع كتير!!!

أول نوع : العبد الأسود ودى جن على شكل عبد أسود وهو من اقوى انواع الحراسه ودايما بيطلب الأضحية بتاعته تبقى من الدم من الاخر كده بيبقى عايز دم بشرى.

النوع التانى: القرد الممسك ب سلسله وهو بردو شرير زى العبد الأسود بظبط.

النوع الثالث: ود بقا الجن المتشكل مره بيبقى على هيئة ديك بحجم الخروف ومره على هيئة ارنب كبير.

النوع الرابع: بيبقى على هيئة أفعى عملاقة دى بقا ممكن تخد و تدى معاه فى الكلام من خلال شيخ متمرس يكون شيخ جامد كده يقدر يتعامل مع جن الرصد بيبقى اسمه 

“شيخ العزيمه”والشيخ دى انت بتبقى جايبه ودافع ليه دم قلبك علشان يوافق يجى معاك.

طبعا كل أنواع جن الرصد أنواع مؤذية جدا وممكن يسبب لك الكتير من الاذي زى مثلاً.

القتل والوفاة فى ظروف غامضة مش فى ظروف عاديه لا فى ظروف غامضة.

المس الكهربائى والصرع والجنون.

ممكن كمان الشلال و العمى.

طيب ازاي تعرف أن المكان دى فى جن رصد.

بصراحه سؤال مهم وفى عليه أكثر من دليل خد عندك يا سيدى.

اول دليل/ وجود ماء نتن الرائحه حاجه كده استغفر الله العظيم.

تانى دليل/ تسمع أصوات و همسات تجبرك على انك تسيب المكان فورا.

تالت دليل /تلقى الحجاره بتاعت المكان تتساقط عليك وممكن تقفل المكان تانى حتى لو الناس فى ودى ممكن يسبب فى وفاة الناس نتيجه ل نقص الاكسجين.

طبعا علماء الآثار قالوا مفيش حاجه اسمها جن رصد ودى اي كلام وخلاص الهدف منه النصب عليك و ياخدوا منك فلوس كتيرررررر.

 وان أحنا عمرنا ما طلع لينا جن الرصد دى على الرغم من اكتشاف مقابر كتيررررر . 

علشان كده الحكومه قالت اللى هلمحه ب يحفر فى الأراضى علشان كنوز وآثار القدماء المصريين همرجحه.

وهيتم معاقبته ب الحبس ٣سنين أو ممكن ١٥سنه أو ممكن كمان توصل ل المؤبد .

ماهو الموضوع مش بسيط دى آثار ياعم الحج.

قولى انت بقا رائيك ايه؟

عمرك سمعت عن جن الرصد دى ؟

لو سمعت احكيلى فى التعليقات !

رايك مهم

#هبه جمال

حضاره اطلانتس و حضاره المصريين القدماء 

طبعا كلنا عارفين أن اقدم حضاره حتى الآن هى حضاره المصريين القدماء.

وانه يوجد الكثير من الشكوك حول ما يقال عن حضاره اطلانتس رغم وجود بعض من الأدلة والبراهين .

لكن حتى الآن لايوجد اي شيء مادى ملموس يثبت وجود قاره اطلانتس.

 تفتكروا لو فى حضاره عريقه و متطوره كده مش هيبقى ليها اي أثر زى الحضاره المصريه القديمه ؟

يعنى اكيد كل فتره كان هيظهر اكتشاف عظيم خاص ب تلك الحضاره حتى لو فى أعماق البحار .

 ولكن ما طبيعه علاقه حضاره اطلانتس ب حضاره القدماء المصريين .

١- ظهر العديد من النقوش على جدران الحضاره المصريه القديمه ومنها نقش يوضح شكل طائره تحمل شخص من المصريين القدماء البعض قال إنه رمسيس الثاني وشخص آخر من شعب أو حضاره أخرى .

  ايضا يوجد فى النقش غواصه وطبق طائر وهذه النقوش موجوده في معبد سيتى الأول في ابيدوس.

ولكن الكثير من العلماء برهن أن هذه النقوش نتيجه تداخل فى النصوص المكتوبه فقط حيث أن الملك سيتى الأول خلد ذكراه عن طريق وضع الاسم ثم بعد ذلك جاء الملك رمسيس الثاني وقام بعمل بعض الإصلاحات ووضع اسمه على اسم ابيه وجعل بين اسمه و اسم ابيه طبقه من الجير أو الجبس ثم بعد ذلك أزيلت تلك الطبقه وظهرت تلك النماذج الغريبه من الطائرات و الاطباق الطائره و الغواصات .

لكن مين يقدر يقتنع ب العبث دى؟

وخصوصا أن المصرى القديم كان مشهور ب الاتقان في العمل يعنى اكيد مش هيغلط غلطه زى دى.

٢- وجود اشكال وعبارات على جدران المعابد المصريه القديمه لا تأخذ طابع أو شكل الحضاره المصريه القديمه.

بعض من العلماء قال:

٣- أن سر قاره اطلانتس مدفون تحت القدم اليمنى ل تمثال ابو الهول حيث اكتشف أحد العلماء بواسطه استخدم الاجهزه الحديثه وجود فراغ تحت قدم ابو الهول مما يؤكد وجود غرفه سريه وقد طلب تلك العالم أخذ تصريح ب الحفر تحت قدم ابو الهول ولكن رفض طلبه.

وقد نفى دكتور زاهى حواس تلك الادله الخاصه ب وجود صندوق يحتوى على أسرار القاره المفقوده تحت رجل ابو الهول.

٤- أن من قام ب بناء الهرم الاكبر هم علماء قاره اطلانتس ولكن دى أيضا يعتبر عبث قمه في العبث وطبعا معذورين لأن حتى الآن لما يتم الوصول إلى سر بناء الهرم الكبير وطبعا هما مستكترين على المصريين يبقى عندهم أعظم حضاره فى التاريخ.

وقد تم نفى هذا العبث بعد ما قام دكتور زاهى حواس ب اكتشاف مقابر عمال بناء الأهرامات الذي اخرس ألسنه الكثير من الحاقدين على حضارتنا واكيد أن من قام بهذا البناء العظيم هم المصريين القدماء .

طيب انتوا رايكم ايه؟

#هبه جمال 

الاوانى الكانوبيه

هى اوانى استخدمها القدماء المصريين خلال عمليه التحنيط لحفظ أحشاء الموتى وكانت تصنع من الحجر الجيري أو الفخار أو المرمر.

وكانت اغطيتها على هيئه أبناء حورس الاربعه.

وكان كل آناء يحفظ عضو معين من أعضاء الجسم ( المعده، الأمعاء، الرئتين ، الكبد)

ولم يكن هناك وعاء للقلب حيث اعتقد المصريين انه مقر الروح ولذلك كان يترك داخل الجسم.

وكان لكل آناء اسم.

– الإناء الذي يأخذ شكل قرد البابون كان يسمى”جاي” وكانت تحفظ به الرئه.

-الإناء الذى يأخذ شكل الادمى كان يسمى “امستى” وكانت تحفظ به الكبد.

– الإناء الذى يأخذ شكل ابن اوى كان يسمى

 ” دوا موتف” وكانت تحفظ به المعده و الأمعاء الدقيقة.

– الإناء الذى كان يأخذ شكل الصقر كان يسمى

” قبح سنواف” وكانت تحفظ به الأمعاء الغليظة.

ومن المعتاد أن تحتوى كل مقبره على اربعه من الاوانى الكانوبيه أو أكثر فمثلا يمكن أن تحتوى مقبره على خمسه او سته من الاوانى الكانوبيه ولكن لايقل العدد عن اربعه من الاوانى فهو المعتاد والمشهور حتى الآن.

ومن أشهر وأجمل الاوانى الكانوبيه التى عثر عليها كانت خاصه ب مقبره توت عنخ امون.

وقد أطلق عليها اسم الاوانى الكانوبيه نسبه الى مدينه كانوب ب اسكندرية. 

# هبه جمال

المومياء المنحوسه 

“أفيقى من هذه الغيبوبة التى ترقدين فيها فنظره من عينيك كفيله للانتصار على كل ما ارتقب ضدك”

هى مومياء تسببت بالنحس لكل من يزعجها  ايوه زى ما بقولك كده.

هى فى الحقيقة تابوت خشبي بدون مومياء حيث لا يعرف مكان  ولا اسم المومياء ولكنها لقبت ب

 “آمن رع “

امرأه ذات شأن عالى فى الحضاره المصريه القديمه والتابوت يعود إلى سيده وليس ل رجل وذلك لنعومه ملامح الوجه وأظافر اليدين ولكن بعض النقوش تشير إلى أنها من كهنه معبد “آمن رع” والبعض يقول انها من العائلات المصريه القديمه الحاكمه .

طول الغطاء الخشبي ١٦٢سم وهو تابوت منقوش وملون بأجمل الالوان والرسومات.

ندخل بقى فى لعنه التابوت ده.

تم شراء المومياء وتم تهريبها خارج مصر فالبائع الذي باع المومياء توفى فى نفس الليلة في ظروف غامضة مش بس كده ده كمان اتوفى اثنين من العمال الذين نقلوا المومياء حتى الشخص الذي قام بشراء المومياء لم يسلم من الأذى فقد خرج إلى رحله صيد وأصيبت يديه وتم بتر ذراعه بالكامل فقام على الفور بأهداء المومياء إلى إحدى صديقاته للتخلص من اللعنه ولكن ما حدث لصديقته كان أيضا شئ غريب.

-توفيت والدة صديقته.

-تم فسخ خطبة صديقته من خطيبها بدون أي سبب.

-توفيت صديقته فى ظروف غامضة هى الأخرى.

فقام المشترى بإهدائها إلى المتحف البريطاني للتخلص من اللعنه فقد توفى العديد من الموظفين فور وصول المومياء وكانت تصدر من المومياء أصوات غريبه ليلا وهمهمات مخيفه وغير مفهومه وعندما قام المصور بتصوير المومياء عثر على شكل  مرعب وقام المصور بقتل نفسه وقد قرر المتحف البريطاني التخلص منها بإرسالها إلى متحف نيويورك عام ١٩١٢على متن رحله تايتانيك.

فهل كانت لعنه المومياء المنحوسه هى السبب فى غرق سفين تايتانيك .

بعض الآراء تؤيد هذه الفكره.

والبعض الآخر يرفضها.

#هبه جمال