أعربت الفنانة شيرين رضا عن سعادتها بعودة ابنتها نور ، من طليقها الهضبة عمرو دياب، إلى مصر بعد فترة غياب، مؤكدة أن قرار العودة جاء نتيجة حرصها وقلقها على سلامتها.
وقالت شيرين رضا في تصريحات تليفزيونية: «رجعت لأن الستات في إنجلترا بيحصل لهم حاجات مش كويسة زي السرقة، وأنا خايفة عليها كأي أم، فقلت لها ارجعي. وبعد كده لو حبيتي تسافري أي بلد تاني، أوك، ولكن بمجرد إنها رجعت، مفيش حاجة اسمها سفر، هقطع الباسبور».
يُذكر أن نور، ابنة الفنان عمرو دياب، كانت تقيم في إنجلترا لفترة من الزمن، وذلك في إطار حرصها على الخصوصية والابتعاد عن الأضواء، بالإضافة إلى منحها فرصة للتركيز على دراستها ومشاريعها الشخصية بعيدًا عن صخب الوسط الفني.
وفي سياق آخر، تحدثت شيرين رضا عن أسلوبها في اختيار الملابس، مؤكدة أنها لا تتبع صيحات الموضة، بل تختار الملابس التي تناسب شخصيتها وتشعرها بالراحة. وأضافت: «أنا بلبس الهدوم مش هي اللي بتلبسني، اللي بلبسه هيليق وهيمشي معايا وهعرف ألبسه إزاي بحيث يكون جزء مني، ومهم إنك انتي اللي تلبسي الأوتفيت مش هو، وما ينفعش يكون كتير قبل ما تنزلي بصي في المراية واختاري حاجة تشيليها».
