حسم الرئيس الأمريكي دونالد ترامب الجدل الدائر مؤخرًا حول فكرة ترشحه لمنصب نائب الرئيس في انتخابات 2028، وهي الفكرة اللي طرحها عدد من أنصاره علشان يفضل في السلطة بعد انتهاء ولايته التانية، رغم إن الدستور الأمريكي بيمنع أي شخص من تولي الرئاسة لأكتر من ولايتين.
وقال ترامب، في تصريحات للصحفيين وهو على متن طيارته الرئاسية خلال رحلته من ماليزيا إلى اليابان: «لي الحق أعمل كده، بس مش هعمله.. الناس مش هتعجبها الخطوة دي». وأضاف: «هيكون تصرف ماكر ومش كويس».
الفكرة دي كانت اتكررت من مؤيدين لترامب بيطالبوه بالبقاء في المشهد السياسي حتى بعد 2028، واقترح بعضهم إنه يترشح نائبًا للرئيس على أن يتولى نائبه الحالي جيه دي فانس منصب الرئيس.
وكان ترامب أشار قبل كده بشكل ساخر لاحتمال ولاية تالتة، وظهر في مكتبه بالبيت الأبيض قبعات مكتوب عليها «ترامب 2028»، لكن النهارده أنهى الجدل وقالها صريحة: مش ناوي أترشح.
