Gold partner
:
فيه تعبير أمريكى عظيم إسمه ( Gold Partner ) أو الشريك الذهبى .. بإختصار مدلوله إن كل واحد فينا حاجة من أتنين,
يا إما فى حياته شخص من دهب ..
يا إما هو نفسه شخص من دهب بالنسبة للى حواليه
• الشريك الذهبى نعمة ..
يطلع صاحب أو يطلع حبيب يطلع زى ما يطلع ..
المهم إنك لازم تقابله في حياتك ، أو كنت أنت نفسك هو .. معاييره فى التعامل مع الناس بتختلف .. ولإنه دهب فميزانه فى تقييم الناس ميزان الدهب ..
الشريك الذهبى دايمًا بابه مفتوح .. إبن أصول .. مكسب .. مش بيتعوض .. بيتخسر مش بيخسر .. مش بيصدأ .. بينصح لله .. ” أنيس منصور ” لما سأل ” عباس العقاد ” عن إزاى اعرف أهم شخص فى حياتي ؟
رد عليه : ( مسيره هينصحك؛ بمجرد ما يحصل ، دور على مصلحته الشخصية بين كلامه ليك لو مالقتش إفهم إنها خالصة لوجه الله ) .. تعودك على وجوده بيخليك تنسى تدريجيًا أهميته لكن مش بينفيها وغيابه كأنك عندك دور برد رخم .. هما اللى أتعملت عشانهم جملة ( أنت إزاى كده ) .. قليلين زى كل حاجة حلوة فى الدنيا .. ناس كده تحس إنهم معجونين جدعنة .. مش منتظرين من وش امك اَي حاجه ولا حتي شكر .. وجود حد زي ده في حياه اهلك ولو كان قليل وبسيط بس بيكون تعويض عن خذلان من عشروميت واحد واطي قابلته في حياتك .. دوّر علي الناس دي و خلّى بالك ليضيعوا وسط الزحمه و الناس الفشنك اللى بتتشنكل فيهم كل يوم ، ولو لقيت حد منهم إمسك فيه بإيدك وسنانك و ماتسيبهوش يسيبك .. ربنا يرزقنا بصيرة تنقية الشريك الدهب من الشوائب ويبعدنا عن ولاد ……..
نقل وترجمه../
Ann zaky
